Wed, 16 Oct 2019

Cebuano News: 10 ka turistang Chinese, naluwas sa Coastguard

Philippine Information Agency
13 Sep 2019, 16:38 GMT+10

TAGBILARAN CITY, Agosto 29 (PIA) -- Naluwas sa Philippine Coast Guard (PCG) ang 10 ka turistang Chinese nationals niadtong Huwebes sa gabii, Agosto 29.

Gawas sa mga turistang Chinese nationals, naluwas usab og apil ang 3 ka tripolante sa bangkang de motor nga "Go Deep" sa Go Deep Diving and Tours nga mobalik na unta sa Panglao gikan sa isla sa Sumilon, Oslob, lalawigan sa Cebu sa dihang nakabagat og problema sa makina ang bangka.

Matud pa sa detalye nga gihatag sa tigpamaba sa PCG Central Visayas nga si Lt. Jr. Grade Michael John Encina, ang ilang Coast Guard Station Balicasag nakadawat og distress call mga alas 7:15 niadtong Huwebes sa gabii gikan sa maong bangka.

Ang Go Deep motorbanca wala nakadetermina sa ilang eksaktong lokasyon sa dihang nitawag kini og nangayo og pakitabang.

Tungod niini, gi-deploy dayon sa PCG ang ilang Quick Response Team (QRT) nga naka-base sa isla sa Balicasag nga maoy nipahigayon og search and rescue operation.

Gimanduan usab ang Coast Guard Panglao sa pagtabang kanila.

Wala pay usa ka oras human madawat ang distress call, nakit-an sa PCG personnel ang maong motorbanca nagpautaw-utaw 7 nautical miles gikan sa isla sa Balicasag.

Gibalhin ang mga turistang Chinese nationals sa laing bangka ug gihatod sila sa Daorong sa Barangay Danao sa Panglao.

Samtang ang Go Deep motorbanca gidala ug gibutang duol sa Coast Guard Bohol Station sa K of C Drive ning syudad sa Tagbilaran alang sa ipahigayong imbestigasyon. (ecb/PIA7-Bohol)

More China News

Access More

Sign up for China News

a daily newsletter full of things to discuss over drinks.and the great thing is that it's on the house!